Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. expertus dico, nemo est in amore fidelis:
  2. formosam raro non sibi quisque petit.
  3. polluit ille deus cognatos, solvit amicos,
  4. et bene concordis tristia ad arma vocat.
  5. hospes in hospitium Menelao venit adulter:
  6. Colchis et ignotum nonne secuta virum est?
  7. Lynceu, tune meam potuisti, perfide, curam
  8. tangere? nonne tuae tum cecidere manus?