Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tu certe Iovis occultis in amoribus, Io,
  2. sensisti multas quid sit inire vias,
  3. cum te iussit habere puellam cornua Iuno
  4. et pecoris duro perdere verba sono.
  5. a quotiens quernis laesisti frondibus ora,
  6. mandisti et stabulis arbuta pasta tuis!
  7. an, quoniam agrestem detraxit ab ore figuram
  8. Iuppiter, idcirco facta superba dea es?