Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hoc et Hamadryadum spectavit turba sororum
  2. Silenique senes et pater ipse chori;
  3. cum quibus Idaeo legisti poma sub antro,
  4. supposita excipiens, Nai, caduca manu.
  5. an quisquam in tanto stuprorum examine quaerit
  6. 'Cur haec tam dives? quis dedit? unde dedit?'
  7. o nimium nostro felicem tempore Romam,
  8. si contra mores una puella facit!