Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. falleris, ista tui furtum via monstrat amoris:
  2. non urbem, demens, lumina nostra fugis!
  3. nil agis, insidias in me componis inanis,
  4. tendis iners docto retia nota mihi.
  5. sed de me minus est: famae iactura pudicae
  6. tanta tibi miserae, quanta meretur, erit.
  7. nuper enim de te nostras me laedit ad auris
  8. rumor, et in tota non bonus urbe fuit.