Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tum medium claro surgebat marmore templum,
  2. et patria Phoebo carius Ortygia:
  3. in quo Solis erat supra fastigia currus;
  4. et valvae, Libyci nobile dentis opus,
  5. altera deiectos Parnasi vertice Gallos,
  6. altera maerebat funera Tantalidos.
  7. deinde inter matrem deus ipse interque sororem
  8. Pythius in longa carmina veste sonat.
  1. QUI videt, is peccat: qui te non viderit ergo,
  2. non cupiet: facti lumina crimen habent.
  3. nam quid Praenesti dubias, o Cynthia, sortis,
  4. quid petis Aeaei moenia Telegoni?