Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec tu Virginibus reverentia moveris ora:
  2. hic quoque non nescit quid sit amare chorus;
  3. si tamen Oeagri quaedam compressa figura
  4. Bistoniis olim rupibus accubuit.
  5. hic ubi me prima statuent in parte choreae,
  6. et medius docta cuspide Bacchus erit,
  7. tum capiti sacros patiar pendere corymbos:
  8. nam sine te nostrum non valet ingenium.