Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aut ego si possem studiis vigilare severis:
  2. differtur, numquam tollitur ullus amor.
  3. nec me tam facies, quamvis sit candida, cepit
  4. (lilia non domina sint magis alba mea;
  5. ut Maeotica nix minio si certet Hibero,
  6. utque rosae puro lacte natant folia),
  7. nec de more comae per levia colla fluentes,
  8. non oculi, geminae, sidera nostra, faces,
  9. nec si qua Arabio lucet bombyce puella
  10. (non sum de nihilo blandus amator ego):