Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. 'Quid tu matutinus,' ait 'speculator amicae,
  2. me similem vestris moribus esse putas?
  3. non ego tam facilis: sat erit mihi cognitus unus,
  4. vel tu vel si quis verior esse potest.
  5. apparent non ulla toro vestigia presso,
  6. signa volutantis nec iacuisse duos.
  7. aspice ut in toto nullus mihi corpore surgat
  8. spiritus admisso notus adulterio.'