Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. an contempta tibi Iunonis templa Pelasgae?
  2. Palladis aut oculos ausa negare bonos?
  3. semper, formosae, non nostis parcere verbis.
  4. hoc tibi lingua nocens, hoc tibi forma dedit.
  5. sed tibi vexatae per multa pericula vitae
  6. extremo venit mollior hora die.
  7. Io versa caput primos mugiverat annos:
  8. nunc dea, quae Nili flumina vacca bibit.