Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. iam licet et Stygia sedeat sub harundine remex,
  2. cernat et infernae tristia vela ratis:
  3. si modo clamantis revocaverit aura puellae,
  4. concessum nulla lege redibit iter.
  1. IVPPITER, affectae tandem miserere puellae:
  2. tam formosa tuum mortua crimen erit.
  3. hoc tibi vel poterit coniunx ignoscere Iuno:
  4. frangitur et Iuno, si qua puella perit.