Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sed tamen obsistam. teritur robigine mucro
  2. ferreus et parvo saepe liquore silex:
  3. at nullo dominae teritur sub crimine amor, qui
  4. restat et immerita sustinet aure minas.
  5. ultro contemptus rogat, et peccasse fatetur
  6. laesus, et invitis ipse redit pedibus.
  7. tu quoque, qui pleno fastus assumis amore,
  8. credule, nulla diu femina pondus habet.
  9. an quisquam in mediis persolvit vota procellis.
  10. cum saepe in portu fracta carina natet?
  11. aut prius infecto deposcit praemia cursu,
  12. septima quam metam triverit arte rota?