Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. anxia captiva tristius Andromacha?
  2. quidve mea de fraude deos, insana, fatigas?
  3. quid quereris nostram sic cecidisse fidem?
  4. non tam nocturna volucris funesta querela
  5. Attica Cecropiis obstrepit in foliis,
  6. nec tantum Niobe, bis sex ad busta superba,
  7. sollicito lacrimans defluit a Sipylo.
  8. me licet aeratis astringant bracchia nodis,
  9. sint tua vel Danaes condita membra domo,
  10. in te ego et aeratas rumpam, mea vita, catenas,
  11. ferratam Danaes transiliamque domum.
  12. de te quodcumque, ad surdas mihi dicitur auris:
  13. tu modo ne dubita de gravitate mea.
  14. ossa tibi iuro per matris et ossa parentis
  15. (si fallo, cinis heu sit mihi uterque gravis!)
  16. me tibi ad extremas mansurum, vita, tenebras: