Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. in te ego et aeratas rumpam, mea vita, catenas,
  2. ferratam Danaes transiliamque domum.
  3. de te quodcumque, ad surdas mihi dicitur auris:
  4. tu modo ne dubita de gravitate mea.
  5. ossa tibi iuro per matris et ossa parentis
  6. (si fallo, cinis heu sit mihi uterque gravis!)
  7. me tibi ad extremas mansurum, vita, tenebras:
  8. ambos una fides auferet, una dies.