Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hanc utinam faciem nolit mutare senectus,
  2. etsi Cumaeae saecula vatis aget!
  1. 'Qui nullum tibi dicebas iam posse nocere,
  2. haesisti, cecidit spiritus ille tuus!
  3. vix unum potes, infelix, requiescere mensem,
  4. et turpis de te iam liber alter erit.'
  5. quaerebam, sicca si posset piscis harena
  6. nec solitus ponto vivere torvus aper;
  7. aut ego si possem studiis vigilare severis:
  8. differtur, numquam tollitur ullus amor.
  9. nec me tam facies, quamvis sit candida, cepit
  10. (lilia non domina sint magis alba mea;
  11. ut Maeotica nix minio si certet Hibero,
  12. utque rosae puro lacte natant folia),