Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. incipiam captare feras et reddere pinu
  2. cornua et audaces ipse monere canis;
  3. non tamen ut vastos ausim temptare leones
  4. aut celer agrestis comminus ire sues.
  5. haec igitur mihi sit lepores audacia mollis
  6. excipere et structo figere avem calamo,
  7. qua formosa suo Clitumnus flumina luco
  8. integit, et niveos abluit unda boves.