Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aspice quid donis Eriphyla invenit amaris,
  2. arserit et quantis nupta Creusa malis.
  3. nullane sedabit nostros iniuria fletus?
  4. an dolor hic vitiis nescit abesse tuis?
  5. tot iam abiere dies, cum me nec cura theatri
  6. nec tetigit Campi, nec mea mensa iuvat.
  7. at pudeat certe, pudeat! nisi forte, quod aiunt,
  8. turpis amor surdis auribus esse solet.
  9. cerne ducem, modo qui fremitu complevit inani
  10. Actia damnatis aequora militibus: