Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sic nobis, qui nunc magnum spiramus amantes,
  2. forsitan includet crastina fata dies.
  1. Praetor ab Illyricis venit modo, Cynthia, terris,
  2. maxima praeda tibi, maxima cura mihi.
  3. non potuit saxo vitam posuisse Cerauno?
  4. a, Neptune, tibi qualia dona darem!
  5. nunc sine me plena fiunt convivia mensa,
  6. nunc sine me tota ianua nocte patet.
  7. quare, si sapis, oblatas ne desere messis
  8. et stolidum pleno vellere carpe pecus;