Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tu modo, dum lucet, fructum ne desere vitae!
  2. omnia si dederis oscula, pauca dabis.
  3. ac veluti folia arentis liquere corollas,
  4. quae passim calathis strata natare vides,
  5. sic nobis, qui nunc magnum spiramus amantes,
  6. forsitan includet crastina fata dies.
  1. Praetor ab Illyricis venit modo, Cynthia, terris,
  2. maxima praeda tibi, maxima cura mihi.