Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. bella canam, quando scripta puella mea est.
  2. nunc volo subducto gravior procedere vultu,
  3. nunc aliam citharam me mea Musa docet.
  4. surge, anima, ex humili; iam, carmine, sumite vires;
  5. Pierides, magni nunc erit oris opus.
  6. iam negat Euphrates equitem post terga tueri
  7. Parthorum et Crassos se tenuisse dolet:
  8. India quin, Auguste, tuo dat colla triumpho,
  9. et domus intactae te tremit Arabiae;
  10. et si qua extremis tellus se subtrahit oris,
  11. sentiat illa tuas postmodo capta manus!
  12. haec ego castra sequar; vates tua castra canendo
  13. magnus ero: servent hunc mihi fata diem!
  14. at caput in magnis ubi non est tangere signis,
  15. ponitur hac imos ante corona pedes;
  16. sic nos nunc, inopes laudis conscendere carmen,