Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Pierides, magni nunc erit oris opus.
  2. iam negat Euphrates equitem post terga tueri
  3. Parthorum et Crassos se tenuisse dolet:
  4. India quin, Auguste, tuo dat colla triumpho,
  5. et domus intactae te tremit Arabiae;
  6. et si qua extremis tellus se subtrahit oris,
  7. sentiat illa tuas postmodo capta manus!
  8. haec ego castra sequar; vates tua castra canendo
  9. magnus ero: servent hunc mihi fata diem!
  10. at caput in magnis ubi non est tangere signis,
  11. ponitur hac imos ante corona pedes;
  12. sic nos nunc, inopes laudis conscendere carmen,
  13. pauperibus sacris vilia tura damus.
  14. nondum etiam Ascraeos norunt mea carmina fontis,