Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et deus exstinctum Cressis Epidaurius herbis
  2. restituit patriis Androgeona focis,
  3. Mysus et Haemonia iuvenis qua cuspide vulnus
  4. senserat, hac ipsa cuspide sensit opem.
  5. hoc si quis vitium poterit mihi demere, s
  6. Tantalea poterit tradere poma manu;
  7. dolia virgineis idem ille repleverit urnis,
  8. ne tenera assidua colla graventur aqua;
  9. idem Caucasia solvet de rupe Promethei
  10. bracchia et a medio pectore pellet avem.