Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nos contra angusto versantes proelia lecto:
  2. qua pote quisque, in ea conterat arte diem.
  3. laus in amore mori: laus altera, si datur uno
  4. posse frui: fruar o s amore meo!
  5. si memini, solet illa levis culpare puellas,
  6. et totam ex Helena non probat Iliada.
  7. seu mihi sunt tangenda novercae pocula Phaedrae,
  8. pocula privigno non nocitura suo,
  9. seu mihi Circaeo pereundum est gramine, sive
  10. Colchis Iolciacis urat aena focis,
  11. una meos quoniam praedata est femina sensus,
  12. ex hac ducentur funera nostra domo.
  13. omnis humanos sanat medicina dolores:
  14. s amor morbi non amat artificem.
  15. tarda Philoctetae sanavit crura Machaon,
  16. Phoenicis Chiron lumina Phillyrides,