Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ingenium nobis ipsa puella facit.
  2. sive illam Cois fulgentem incedere cogis,
  3. hac totum e Coa veste volumen erit;
  4. seu vidi ad frontem sparsos errare capillos,
  5. gaudet laudatis ire superba comis;
  6. sive lyrae carmen digitis percussit eburnis,
  7. miramur, facilis ut premat arte manus;
  8. seu cum poscentis somnum declinat ocellos,
  9. invenio causas mille poeta novas;
  10. seu nuda erepto mecum luctatur amictu,
  11. tum vero longas condimus Iliadas;
  12. seu quidquid fecit sive est quodcumque locuta,
  13. maxima de nihilo nascitur historia.
  14. quod mihi si tantum, Maecenas, fata dedissent,
  15. ut possem heroas ducere in arma manus,
  16. non ego Titanas canerem, non Ossan Olympo
  17. impositam, ut caeli Pelion esset iter,
  18. nec veteres Thebas, nec Pergama nomen Homeri,
  19. Xerxis et imperio bina coisse vada,