Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quid tibi nunc misero prodest grave dicere carmen
  2. aut Amphioniae moenia flere lyrae?
  3. plus in amore valet Mimnermi versus Homero:
  4. carmina mansuetus lenia quaerit Amor.
  5. i quaeso et tristis istos sepone libellos,
  6. et cane quod quaevis nosse puella velit!
  7. quid si non esset facilis tibi copia! nunc tu
  8. insanus medio flumine quaeris aquam.