Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tum magis Armenias cupies accedere tigres
  2. et magis infernae vincula nosse rotae,
  3. quam pueri totiens arcum sentire medullis
  4. et nihil iratae posse negare tuae.
  5. nullus Amor cuiquam facilis ita praebuit alas,
  6. ut non alterna presserit ille manu.
  7. nec te decipiat, quod sit satis illa parata:
  8. acrius illa subit, Pontice, si qua tuast,
  9. quippe ubi non liceat vacuos seducere ocellos,
  10. nec vigilare alio limine cedat Amor.
  11. qui non ante patet, donec manus attigit ossa:
  12. quisquis es, assiduas tu fuge blanditias!