Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec me deficiet nautas rogitare citatos
  2. 'dicite, quo portu clausa puella meast?',
  3. et dicam 'licet Artaciis considat in oris,
  4. et licet Hylaeis, illa futura meast.'
  1. Hic erit! hic iurata manet! rumpantur iniqui!
  2. vicimus: assiduas non tulit illa preces.
  3. falsa licet cupidus deponat gaudia livor:
  4. destitit ire novas Cynthia nostra vias.