Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nam tua non aetas umquam cessavit amori,
  2. semper at armatae cura fuit patriae;
  3. et tibi non umquam nostros puer iste labores
  4. afferat et lacrimis omnia nota meis!
  5. me sine, quem semper voluit fortuna iacere,
  6. huic animam extremam reddere nequitiae.
  7. multi longinquo periere in amore libenter,
  8. in quorum numero me quoque terra tegat.