Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illa ferox animis alligat una viros.
  2. a, mea contemptus quotiens ad limina curres,
  3. cum tibi singultu fortia verba cadent,
  4. et tremulus maestis orietur fletibus horror,
  5. et timor informem ducet in ore notam,
  6. et quaecumque voles fugient tibi verba querenti,
  7. nec poteris, qui sis aut ubi, nosse miser!
  8. tum grave servitium nostrae cogere puellae
  9. discere et exclusum quid sit abire domum;
  10. nec iam pallorem totiens mirabere nostrum,
  11. aut cur sim toto corpore nullus ego.