Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non tibi iam somnos, non illa relinquet ocellos:
  2. illa ferox animis alligat una viros.
  3. a, mea contemptus quotiens ad limina curres,
  4. cum tibi singultu fortia verba cadent,
  5. et tremulus maestis orietur fletibus horror,
  6. et timor informem ducet in ore notam,
  7. et quaecumque voles fugient tibi verba querenti,
  8. nec poteris, qui sis aut ubi, nosse miser!
  9. tum grave servitium nostrae cogere puellae