Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sic ait in molli fixa toro cubitum:
  2. 'tandem te nostro referens iniuria lecto
  3. alterius clausis expulit e foribus?
  4. namque ubi longa meae consumpsti tempora noctis,
  5. languidus exactis, ei mihi, sideribus?
  6. o utinam talis perducas, improbe, noctes,
  7. me miseram qualis semper habere iubes!
  8. nam modo purpureo fallebam stamine somnum,
  9. rursus et Orpheae carmine, fessa, lyrae;
  10. interdum leviter mecum deserta querebar
  11. externo longas saepe in amore moras: