Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. (nunc superat Zetes, nunc superat Calais),
  2. oscula suspensis instabant carpere plantis,
  3. oscula et alterna ferre supina fuga.
  4. ille sed extrema pendentes ludit in ala
  5. et volucris ramo summovet insidias.
  6. iam Pandioniae cessit genus Orithyiae:
  7. ah dolor! ibat Hylas, ibat Hamadryasin.
  8. hic erat Arganthi Pege sub vertice montis,
  9. grata domus Nymphis umida Thyniasin,
  10. quam supra nulli pendebant debita curae
  11. roscida desertis poma sub arboribus,
  12. et circum irriguo surgebant lilia prato
  13. candida purpureis mixta papaveribus.
  14. quae modo decerpens tenero pueriliter ungui
  15. proposito florem praetulit officio,
  16. et modo formosis incumbens nescius undis
  17. errorem blandis tardat imaginibus.
  18. tandem haurire parat demissis flumina palmis
  19. innixus dextro plena trahens umero.
  20. cuius ut accensae Dryades candore puellae