Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tum mihi non ullo mors sit amara loco.
  2. quam vereor, ne te contempto, Cynthia, busto
  3. abstrahat a nostro pulvere iniquus Amor,
  4. cogat et invitam lacrimas siccare cadentis!
  5. flectitur assiduis certa puella minis.
  6. quare, dum licet, inter nos laetemur amantes:
  7. non satis est ullo tempore longus amor.
  1. Hoc pro continuo te, Galle, monemus amore,
  2. quod tibi ne vacuo defluat ex animo:
  3. saepe imprudenti fortuna occurrit amanti:
  4. crudelis Minyis sic erat Ascanius.
  5. est tibi non infra specie, non nomine dispar,
  6. Theiodamanteo proximus ardor Hylae:
  7. huic tu, sive leges Umbrae rate flumina silvae,
  8. sive Aniena tuos tinxerit unda pedes,
  9. sive Gigantei spatiabere litoris ora,