Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. an poteris siccis mea fata reposcere ocellis,
  2. ossaque nulla tuo nostra tenere sinu?
  3. ah pereat, quicumque rates et vela paravit
  4. primus et invito gurgite fecit iter!
  5. nonne fuit levius dominae pervincere mores
  6. (quamvis dura, tamen rara puella fuit),
  7. quam sic ignotis circumdata litora silvis
  8. cernere et optatos quaerere Tyndaridas?
  9. illic si qua meum sepelissent fata dolorem,
  10. ultimus et posito staret amore lapis,