Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nunc ego, nocturnis potorum saucia rixis,
  2. pulsata indignis saepe queror manibus,
  3. et mihi non desunt turpes pendere corollae
  4. semper et exclusi signa iacere faces.
  5. nec possum infamis dominae defendere voces,
  6. nobilis obscenis tradita carminibus;
  7. nec tamen illa suae revocatur parcere famae,
  8. turpior et saecli vivere luxuria.