Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sit licet et ferro durior et chalybe,
  2. non tamen illa suos poterit compescere ocellos,
  3. surget et invitis spiritus in lacrimis.
  4. nunc iacet alterius felici nixa lacerto,
  5. at mea nocturno verba cadunt Zephyro.
  6. sed tu sola mei, tu maxima causa doloris,
  7. victa meis numquam, ianua, muneribus,
  8. tu sola humanos numquam miserata dolores
  9. respondes tacitis mutua cardinibus.
  10. te non ulla meae laesit petulantia linguae;