Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. 'ianua vel domina penitus crudelior ipsa,
  2. quid mihi tam duris clausa taces foribus?
  3. cur numquam reserata meos admittis amores,
  4. nescia furtivas reddere mota preces?
  5. nullane finis erit nostro concessa dolori,
  6. turpis et in tepido limine somnus erit?
  7. me mediae noctes, me sidera prona iacentem,
  8. frigidaque Eoo me dolet aura gelu.