Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. per quos saepe mihi credita perfidiast!
  2. hos tu iurabas, si quid mentita fuisses,
  3. ut tibi suppositis exciderent manibus:
  4. et contra magnum potes hos attollere Solem,
  5. nec tremis admissae conscia nequitiae?
  6. quis te cogebat multos pallere colores
  7. et fletum invitis ducere luminibus?
  8. quis ego nunc pereo, similis moniturus amantes
  9. non ullis tutum credere blanditiis.
  1. Quae fueram magnis olim patefacta triumphis,
  2. ianua Patriciae vota Pudicitiae,
  3. cuius inaurati celebrarunt limina currus,
  4. captorum lacrimis umida supplicibus,
  5. nunc ego, nocturnis potorum saucia rixis,