Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hac tamen excepta, Cynthia, perfidia.
  2. aspice me quanto rapiat fortuna periclo!
  3. tu tamen in nostro lenta timore venis;
  4. et potes hesternos manibus componere crines
  5. et longa faciem quaerere desidia,
  6. nec minus Eois pectus variare lapillis,
  7. ut formosa novo quae parat ire viro.
  8. at non sic Ithaci digressu mota Calypso
  9. desertis olim fleverat aequoribus:
  10. multos illa dies incomptis maesta capillis
  11. sederat, iniusto multa locuta salo,
  12. et quamvis numquam post haec visura, dolebat
  13. illa tamen, longae conscia laetitiae.
  14. nec sic Aesoniden rapientibus anxia ventis
  15. Hypsipyle vacuo constitit in thalamo:
  16. Hypsipyle nullos post illos sensit amores,
  17. ut semel Haemonio tabuit hospitio.
  18. coniugis Euadne miseros elata per ignes
  19. occidit, Argivae fama pudicitiae.
  20. Alphesiboea suos ultast pro coniuge fratres,