Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. coniugis Euadne miseros elata per ignes
  2. occidit, Argivae fama pudicitiae.
  3. Alphesiboea suos ultast pro coniuge fratres,
  4. sanguinis et cari vincula rupit amor.
  5. quarum nulla tuos potuit convertere mores,
  6. tu quoque uti fieres nobilis historia.
  7. desine iam revocare tuis periuria verbis,
  8. Cynthia, et oblitos parce movere deos;