Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec sic Aesoniden rapientibus anxia ventis
  2. Hypsipyle vacuo constitit in thalamo:
  3. Hypsipyle nullos post illos sensit amores,
  4. ut semel Haemonio tabuit hospitio.
  5. coniugis Euadne miseros elata per ignes
  6. occidit, Argivae fama pudicitiae.
  7. Alphesiboea suos ultast pro coniuge fratres,
  8. sanguinis et cari vincula rupit amor.