Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. multos illa dies incomptis maesta capillis
  2. sederat, iniusto multa locuta salo,
  3. et quamvis numquam post haec visura, dolebat
  4. illa tamen, longae conscia laetitiae.
  5. nec sic Aesoniden rapientibus anxia ventis
  6. Hypsipyle vacuo constitit in thalamo:
  7. Hypsipyle nullos post illos sensit amores,
  8. ut semel Haemonio tabuit hospitio.
  9. coniugis Euadne miseros elata per ignes
  10. occidit, Argivae fama pudicitiae.