Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et nemus omne satas intendat vertice silvas,
  2. urgetur quantis Caucasus arboribus;
  3. non tamen ista meo valeant contendere amori:
  4. nescit Amor magnis cedere divitiis.
  5. nam sive optatam mecum trahit illa quietem,
  6. seu facili totum ducit amore diem,
  7. tum mihi Pactoli veniunt sub tecta liquores,
  8. et legitur Rubris gemma sub aequoribus;
  9. tum mihi cessuros spondent mea gaudia reges:
  10. quae maneant, dum me fata perire volent!