Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illa neque Arabium metuit transcendere limen
  2. nec timet ostrino, Tulle, subire toro,
  3. et miserum toto iuvenem versare cubili:
  4. quid relevant variis serica textilibus?
  5. quae mihi dum placata aderit, non ulla verebor
  6. regna vel Alcinoi munera despicere.
  1. Saepe ego multa tuae levitatis dura timebam,
  2. hac tamen excepta, Cynthia, perfidia.