Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec sic caelestem flagrans amor Herculis Heben
  2. sensit ab Oetaeis gaudia prima rogis.
  3. una dies omnis potuit praecurrere amantes:
  4. nam tibi non tepidas subdidit illa faces,
  5. nec tibi praeteritos passast succedere fastus,
  6. nec sinet: addictum te tuus ardor aget.
  7. nec mirum, cum sit Iove dignae proxima Ledae
  8. et Ledae partu gratior, una tribus;
  9. illa sit Inachiis et blandior heroinis,
  10. illa suis verbis cogat amare Iovem.
  11. tu vero quoniam semel es periturus amore,
  12. utere: non alio limine dignus eras.
  13. qui tibi sit felix, quoniam novus incidit, error;
  14. et quotcumque voles, una sit ista tibi.
  1. Tu licet abiectus Tiberina molliter unda
  2. Lesbia Mentoreo vina bibas opere,