Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. haec tibi vulgaris istos compescet amores,
  2. nec nova quaerendo semper amicus eris.
  3. haec non sum rumore malo, non augure doctus;
  4. vidi ego: me quaeso teste negare potes?
  5. vidi ego te toto vinctum languescere collo
  6. et flere iniectis, Galle, diu manibus,
  7. et cupere optatis animam deponere labris,
  8. et quae deinde meus celat, amice, pudor.
  9. non ego complexus potui diducere vestros:
  10. tantus erat demens inter utrosque furor.