Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. vidimus et longa ducere verba mora!
  2. quamvis labentis premeret mihi somnus ocellos
  3. et mediis caelo Luna ruberet equis,
  4. non tamen a vestro potui secedere lusu:
  5. tantus in alternis vocibus ardor erat.
  6. sed quoniam non es veritus concredere nobis,
  7. accipe commissae munera laetitiae:
  8. non m vestros didici reticere dolores,
  9. est quiddam in nobis maius, amice, fide.
  10. possum ego diversos iterum coniungere amantes,
  11. et dominae tardas possum aperire fores;
  12. et possum alterius curas sanare recentis,
  13. nec levis in verbis est medicina meis.
  14. Cynthia me docuit, semper quae cuique petenda