Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. is poterit felix una remanere puella,
  2. qui numquam vacuo pectore liber erit.
  1. Ecquid te mediis cessantem, Cynthia, Baiis,
  2. qua iacet Herculeis semita litoribus,
  3. et modo Thesproti mirantem subdita regno
  4. proxima Misenis aequora nobilibus,
  5. nostri cura subit memores adducere noctes?
  6. ecquis in extremo restat amore locus?
  7. an te nescio quis simulatis ignibus hostis
  8. sustulit e nostris, Cynthia, carminibus,