Hannibal

hinc in Apuliam pervenit. ibi obviam ei venerunt duo consules, GaiusC. Terentius et LuciusL. Aemilius. utriusque exercitus uno proelio fugavit, Paulum consulem occidit et aliquot praeterea consulares, in eis GnaeumCn. Servilium Geminum, qui superiore anno fuerat consul.

Hac pugna pugnata Romam profectus nullo resistente in propinquis urbi montibus moratus est. cum aliquot ibi dies castra habuisset et Capuam reverteretur, QuintusQ. Fabius Maximus, dictator Romanus, in agro Falerno ei se obiecit.