De Rerum Natura

Lucretius

-

  1. nec varii cessant sonitus manare per auras;
  2. denique in os salsi venit umor saepe saporis,
  3. cum mare versamur propter, dilutaque contra
  4. cum tuimur misceri absinthia, tangit amaror.
  5. usque adeo omnibus ab rebus res quaeque fluenter
  6. fertur et in cunctas dimittitur undique partis
  7. nec mora nec requies interdatur ulla fluendi,
  8. perpetuo quoniam sentimus et omnia semper
  9. cernere odorari licet et sentire sonare.
  10. Nunc omnis repetam quam raro corpore sint res