De Rerum Natura

Lucretius

-

  1. nam quod ali dederat vitalis auras
  2. volvere in ore licere et caeli templa tueri,
  3. hoc aliis erat exitio letumque parabat.
  4. Illud in his rebus miserandum magnopere unum
  5. aerumnabile erat, quod ubi se quisque videbat
  6. implicitum morbo, morti damnatus ut esset,
  7. deficiens animo maesto cum corde iacebat,
  8. funera respectans animam amittebat ibidem.
  9. quippe etenim nullo cessabant tempore apisci
  10. ex aliis alios avidi contagia morbi,